Novas

Se tes entre 13 e 16 anos e soñaches con levar adiante un proxecto musical, audiovisual ou creativo, esta é a túa ocasión: o Concello de Pontevedra acaba de abrir o prazo para inscribirte en Xeración Sónica 2025-2026.

No Local de Música de Pontevedra reactivamos co inicio do novo curso a comunidade de sintes (LDM Synth Community): unha comunidade pensada tanto para persoas con curiosidade polo mundo dos sintetizadores, sintetizadores modulares, drum machines e música electrónica en xeral.

Se sempre quixeches aprender a crear e gravar a túa propia música, agora tes a oportunidade perfecta! No Local de Música lanzamos un ano máis o Curso de Produción Musical con Ableton Live, unha formación práctica pensada para persoas mozas que queiran dar os seus primeiros pasos no mundo da produción musical.

O verán en Pontevedra convértese nun gran escenario cheo de música e cultura. As Festas de Verán Pontevedra 2025 chegan cargadas de concertos para todos os gustos: pop, rock, jazz, blues, música tradicional, artistas internacionais e grandes festivais. Descubre aquí os concertos máis destacados que non podes perder este verán!

Junne chegan co seu "metal, nu metal, groove metal, música pesada ou como queiras chamalo" a poñer patas arriba a próxima entrega de Ensaio Xeral. Son o relevo local a bandas dos 2000s como Korn ou Limp Bizkit: gorra pa'tras, liñas de baixo contundentes e guitarras moi graves, xa sabedes como vai a cousa.

Tal e como anunciamos o mes pasado no Local de Música de Pontevedra somos de crear pero tamén de compartir música. Así que aquí está a segunda entrega de recomendacións musicais feitas por usuarias e usuarios do Local. Unha vez más a selección e variada, así que tomade nota:

Se queres estar ao día de todo o que pasa no Local de Música, agora é máis fácil ca nunca. Xa está activa a nosa canle de WhatsApp, un espazo directo e sen ruído onde compartiremos as novidades, actividades, convocatorias e contidos do Local.

Clavo aposta por un punk sen filtros, con letras afiadas e unha posta en escena directa, que bebe de referencias clásicas como Eskorbuto ou Parálisis Permanente, sen esquecer sons máis actuais como os de Rata Negra. O seu estilo encaixa á perfección coa filosofía do Ensaio Xeral: música auténtica e feita por xente nova con ganas de expresarse. Se che gusta o punk sen concesións, esta é unha oportunidade perfecta para ver como se constrúe unha banda dende dentro.

No Local de Música de Pontevedra somos de crear pero tamén de compartir música. A partir de agora cada mes, preguntaremos á nosa...

O tinnitus, tamén coñecido como acúfenos, é a percepción dun zumbido ou pitido nos oídos sen que exista unha fonte externa de son. Afecta a millóns de persoas en todo o mundo e, ata o de agora, a súa causa exacta non estaba completamente clara.

Jennifer Lopez, a coñecida cantante, actriz e bailarina estadounidense, anunciou a súa esperada volta a España no verán de 2025 coa súa xira "Up All Night Live In 2025". Esta serie de concertos inclúe unha actuación en Pontevedra o 8 de xullo, seguida de Cádiz (10 de xullo), Málaga (11), Madrid (13), Barcelona (15) e Bilbao (16). 

A Deputación de Pontevedra convoca unha nova edición dos Premios Provinciais á Xuventude.