All Posts

A escena musical emerxente de Pontevedra planta cara á crise dos escenarios. Baixo o nome de Sala d’Emerxencia, nace unha iniciativa impulsada directamente polas bandas residentes do Local de Música. O obxectivo é claro e urxente: loitar contra un dos grandes problemas actuais da música en vivo, que é a falta de espazos accesibles e viables para que os grupos locais poidan tocar ante o seu público.

Cunha programación musical e cultural totalmente gratuíta, o Incode Fest ofrece unha forma diferente de entender os eventos ao aire libre, fusionando estilos que van desde a música tradicional ata os sons máis urbanos e underground.

O programa Ponteverán 2026, impulsado polo Concello de Pontevedra, desenvolverase entre os meses de xullo e agosto, cunha oferta de máis de 20 actividades de balde para mozas e mozos de 4 a 35 anos. Dentro desta ampla programación, o Local de Música convértese nun dos principais focos creativos do verán, ofrecendo obradoiros únicos de teatro, canto, "fábrica de singles" e como novidade este ano Laboratorio de Arte Sonora.

Hai uns días, o equipo de "Vermú con SER" na Cadena SER visitou as nosas instalacións para coñecer de preto o que pasa dentro do Local de Música de Pontevedra. O resultado? Unha emocionante reportaxe que recolle a esencia do noso espazo e que xa podes ler

O concepto de "público" está cambiando. Xa non abonda con asistir a eventos ou consumir cultura; agora, a mocidade quere formar parte da toma de decisións. Baixo esta premisa nace Local 15, un dispositivo de mediación cultural deseñado para transformar o Local de Música nun espazo de co-gobernanza real.

Algunha vez te preguntaches que ocorre detrás do escenario dun gran festival? Como se xestiona a loxística do Surfing the Lérez, o Senda Fest ou o Incode Fest? Se a túa paixón é a música e queres converter ese interese nunha saída profesional, o Local de Música de Pontevedra lanza a formación que estabas agardando. O novo Curso de Produción de Eventos Musicais abre as súas portas para ensinarche a organizar eventos desde cero, cun enfoque totalmente práctico e pegado á realid

O pasado sábado 2 de maio, o Local de Música de Pontevedra non só resoou con amplificadores e baterías, senón coas voces, ideas e proxectos de toda a nosa comunidade. Celebramos un Convivio moi especial co obxectivo de facer rede, vernos as caras e presentar a folla de ruta dunha tempada que vén cargada de enerxía.

O festival Galegote 2026 xa está aquí e promete converter Pontevedra nun gran escenario para a música en galego. Durante os días 24 e 25 de abril, a cidade encherase de concertos, artistas emerxentes e propostas consolidadas nun formato único: actuacións repartidas por bares, prazas e espazos urbanos.

A cultura do remix acaba de recibir un respaldo clave en Europa. Unha recente sentenza do Tribunal de Xustiza da Unión Europea marca un antes e un despois para artistas, produtoras e creadoras: o sampling pode ser legal baixo determinadas condicións. Pero… que significa isto realmente para quen fai música hoxe?

A festividade de San Patricio é moito máis que unha celebración tradicional; é o escenario perfecto para descubrir o talento emerxente da cidade. A colaboración entre o club de rugby Mareantes e o Local de Música permite unir forzas e que tres bandas que ensaian no local amosen o seu potencial ante un público entregado: Sapphire Riot, Ape Habit e Sudden Ray Of Hope.

A banda pontevedresa Rager protagoniza a oitava entrega de Ensaio Xeral, o ciclo de ensaios abertos ao público no Local de Música. Antes de dar o salto aos grandes escenarios de festivais como o Big Sound ou o Son Rías Baixas, a formación presentará o seu potente directo nun formato íntimo e gratuíto.

A Deputación de Pontevedra convoca os X Premios á Xuventude con 36.000€ en premios. Participa ata o 4 de maio e impulsa o teu talento. ¡Inscríbete agora!

A Aula Virtual do Local de Música xa está activa e conta con máis de 100 horas de formación musical online accesibles a través da web do Local. Un novo recurso pensado para que as usuarias poidan ampliar coñecementos, mellorar as súas competencias técnicas e profesionais e reforzar o seu proceso creativo sen saír da casa. Este espazo formativo irá medrando progresivamente con novos contidos, consolidándose como unha ferramenta clave para a formación musical dos usuarios do L

O novo curso de Xeración Sónica xa está en marcha no Local de Música de Pontevedra, da man do equipo de Estudo Bonobo. Este proxecto, totalmente gratuíto, é unha oportunidade única para mozas e mozos de entre 12 e 16 anos que teñen un soño claro: facer música, crear unha banda e vivir a experiencia completa de formar parte dunha escena musical real.

Se tes entre 13 e 16 anos e soñaches con levar adiante un proxecto musical, audiovisual ou creativo, esta é a túa ocasión: o Concello de Pontevedra acaba de abrir o prazo para inscribirte en Xeración Sónica 2025-2026.

O proxecto CeibaRimas, especializado no freestyle en galego, vai conmemorar en Pontevedra o seu 5º aniversario cun evento pensado para visibilizar e reforzar a escena do rap improvisado en lingua galega. Trátase dun selo local que, con esforzo e coherencia, busca demostrar que “o freestyle en galego existe” e que está en plena expansión.

No Local de Música de Pontevedra reactivamos co inicio do novo curso a comunidade de sintes (LDM Synth Community): unha comunidade pensada tanto para persoas con curiosidade polo mundo dos sintetizadores, sintetizadores modulares, drum machines e música electrónica en xeral.

Se sempre quixeches aprender a crear e gravar a túa propia música, agora tes a oportunidade perfecta! No Local de Música lanzamos un ano máis o Curso de Produción Musical con Ableton Live, unha formación práctica pensada para persoas mozas que queiran dar os seus primeiros pasos no mundo da produción musical.

o Son da Serea presenta un cartaz que unirá xeracións, xa que contamos con Brutal, unha banda de metal moi veterana na escena Pontevedresa xunto con futuras promesas que están medrando no Local de Música como: Junne, Malo Será, Ape Habit, Rager ou Sudden Ray Of Hope.

O verán en Pontevedra convértese nun gran escenario cheo de música e cultura. As Festas de Verán Pontevedra 2025 chegan cargadas de concertos para todos os gustos: pop, rock, jazz, blues, música tradicional, artistas internacionais e grandes festivais. Descubre aquí os concertos máis destacados que non podes perder este verán!