Obradoiro de Iniciación a Reaper

Aprende a utilizar un DAW dende cero nun obradoiro práctico pensado para persoas que queren comezar a gravar, editar e producir música na casa. Traballaremos con Reaper, un programa moi completo, versátil e lixeiro, ideal tanto para iniciarse como para desenvolver proxectos máis avanzados.

Durante a sesión veremos o funcionamento básico do programa: ferramentas principais, gravación e edición de audio e MIDI, organización de pistas, automatización e exportación de proxectos. Non fai falla experiencia previa: explicaremos todo paso a paso, con exemplos sinxelos e tempo para practicar.