Curso de Produción Musical

Este curso está pensado para persoas que queren dar os seus primeiros pasos no mundo da produción musical. Ao longo de 11 sesións aprenderemos a crear ritmos, liñas de baixo, melodías e atmosferas, empregando Ableton Live como ferramenta principal. Non se trata dun curso de software, senón dunha introdución práctica á produción musical en sentido amplo: baterías, teoría musical básica, síntese, sampling, o funcionamento dun estudo e os procesos de mezcla e mastering. O obxectivo é que cada participante desenvolva as súas propias ideas musicais e remate o curso cun tema completo producido por si mesma, adquirindo coñecementos que lle permitan seguir creando de forma autónoma.