Sala d’Emerxencia: O novo festival autoxestionado para salvar a música en vivo en Pontevedra

A escena musical emerxente de Pontevedra planta cara á crise dos escenarios. Baixo o nome de Sala d’Emerxencia, nace unha iniciativa impulsada directamente polas bandas residentes do Local de Música. O obxectivo é claro e urxente: loitar contra un dos grandes problemas actuais da música en vivo, que é a falta de espazos accesibles e viables para que os grupos locais poidan tocar ante o seu público.

Esta primeira edición non se presenta como un evento máis, senón como un berro colectivo de autoxestión e resistencia cultural dentro da cidade.

Cando e onde se celebra a primeira edición?

O debut deste proxecto tómase as instalacións onde as bandas crean o seu son día a día. Aquí tes os detalles que debes saber para apoiar a iniciativa:

• Data: Sábado, 20 de xuño de 2026.

• Horario: O inicio dos concertos está programado para as 18:30 horas.

• Lugar: Local de Música de Pontevedra.

• Entrada: Acceso aberto para apoiar o tecido musical local.

O Cartel: Catro bandas que rompen o silencio

Para esta estrea, Sala d’Emerxencia reúne a catro das formacións máis activas e con propostas máis potentes do Local de Música, abarcando estilos que van desde o punk ata o rock alternativo:

• Clavo (@clavo.punk)

• L’Inevitable Fin (@linevitable_fin)

• Neckbelt (@weareneckbelt)

• Pedido 751 (@pedido751)

Unha resposta á falta de escenarios para as bandas locais

O nacemento de Sala d’Emerxencia pon sobre a mesa o debate sobre a situación dos directos. Mentres os grandes festivais encarecen as entradas e centralizan os cartels, as bandas que están a empezar atopan cada vez máis trabas para tocar en salas de formato pequeno ou mediano.

Que o propio Local de Música de Pontevedra se transforme por un día nunha sala de concertos grazas ao impulso dos seus usuarios demostra que, cando os espazos faltan, a mocidade organízase para crealos.

A cultura local precísa de ti

A mellor forma de apoiar ás bandas da túa cidade e asegurar que a música en vivo non desapareza é asisitindo aos seus concertos. O vindeiro 20 de xuño tes unha cita coa autoxestión e o talento de catro grupazos que teñen moito que dicir.